أمل الحياة الحلقة الثانية والثلاثين
المحتويات
هتتكلم بس قاطعها و هو بيمسك ايديها و بيتكلم بحنان
اعتبري ان المشكله عندي انا و مفيش حاجه بعيده على ربنا قادر من غير اي حاجه يرزقنا صح
اتكلمت بدموع
و نعمه بالله
بس انا نفسي اكون ام ارجوك متحرمنيش من الشعور دا ارجوك يفارس
قالت كلامها و دخلت جوا حضنه و فضلت تبكي بقوه
مكنش عارف يهديها اتكلم بحزن
خلاص موافق هنعملها
مسحت دموعها و اتكلمت بفرحه
بجد يفارس
اتكلم ببعض الحده
بجد
بس مش هنا في مصر الدكتور اللي هنا هيعملها في مصر
هزيت راسها بفرحه و مسكت فيه بقوه و اتكلمت بلهفه
ماشي هعملك كل اللي تقول عليه
بس نعملها
اتكلم بحنان
طب يلا عشان هنسافر انهاردة
في المساء
وصل ريان و معاه روان و تميم و رحيل
حياة اول اما شافتهم خديت يوسف و نزلت بسرعه و معاها فريده
اتكلمت بحنان و هي بتحضن رحيل
حمد لله على سلامتك يحبيبتى
تعالي ارتاحي
رحيل خديت منها يوسف و ضمته ليها بعمق و دموع
أتكلمت بدموع
وحشتني اوي
روان كانت بتبص لحياه بدموع حياة لاحظتها و اتنفست بعمق و رحيل طلعت هي و تميم اوضتهم
بابا انا هروح الصعيد لاسر
ريان بهدوء
براحتك يفريده
والدتك كلمتني و انا قولتلها تعمل اللي عايزاه بس استني بكره الصبح عشان انا اللي هوصلك هناك و ارجع
فريده برقه
مش عايزه اتعب حضرتك يا بابا انت لسه راجع من هناك
ريان ببأبتسامه
لا مش هتتعبني و لا حاجه
اطلعي ارتاحي و بلاش تجهدي نفسك
البيت بيتك يا روان خدي راحتك يلا يحياة
حياة بصيت لروان بدموع و طلعت مع ريان الجناح بتاعهم
تحت نظرات الحزن الشديد من روان
في غرفه تميم و رحيل
رحيل كانت شايله يوسف و مش راضيه تسيبه
اتكلم تميم بحنان
هاتيه يحبيبتى انيمه في سريره
رحيل بدموع
اتكلم بحنان
طب هاتيه عشان تاخدي العلاج بتاعك و بعدين هجيبه تاني يلا عشان تدهني المرهم
بصتله بخجل و اتكلمت برقه
طب نادي ماما تساعدني ممكن لو سمحت
اتنهد پغضب و اتكلم بهدوء
ماشي
كان لسه هيمشي بس قاطعته و هي بتتكلم بحزن
تميم انت زعلت
خد نفس عميق و بصلها و اتكلم بهدوء
محصلش حاجه هروح انادي لطنط روان
حطيت يوسف على السرير و قامت وقفت جري عليها بسرعه و سندها
عايزه حاجه!
بصتله و اتكلمت بدموع و صوت متحشرج
تميم انا مش عايزاك تشوف الكد ماټ
شكلها مش حلو متزعلش مني
غمض عينيه بالم و مسك ايديها و اتكلم بحنان و هو بيقعدها على السرير
تعالي استريحي
قعدت معاه كشف ايديها برفق بصتله بدموع و هزيت راسها بالنفي
اتكلم بحنان
و تفتكري ان اللي بتقوليه دا هيقلل من حبي ليكي
خد المرهم من على
الكمود و بص للكدمات اللي في ايديها و اللي اول مره يشوفها
اتنفس پغضب مفرط و هو بيتوعد لعاصم و بدأ يدهنلها المرهم برفق تحت نظرات الخجل و العشق منها
في الاسفل
وصل فارس و مليكه القصر
حياة كانت نازله و شافتهم
اتكلمت بفرحه و هي بتحضن فارس
كل دا بعيد!
وحشتني اوي يحبيبى
اتنهد فارس بحزن و دموعه كانت في عينيه
حياة سلمت على مليكه و اتكلمت باستغراب
فيه ايه!
فارس بهدوء
هنعمل العمليه بعد بكره و هتتحجز من بكره الصبح في المستشفى
ياريت لو تبلغي عمتي و خالي يا ماما عشان يبقوا معانا عن اذنكم انا طالع
قال كلامه و طلع و كان باين على ملامحه الحزن الشديد و مليكه بصيت لطيفه بدموع
حطيت حياة ايديها على كتفها و اتكلمت بهدوء
مټخافيش باذن الله هتقومي منها كويسه و هو زعله هيروح لما يشوفك قدامه كويسه
مليكه بدموع
متابعة القراءة
