مشاعر مشوهة
قولتها مصدقاك بس ده ما يمنعش ان الموضوع ده غريب اوي بالنسبالي يعني محتاجه وقت على بال ما اتعود انك جوزي وكده مش واحد قريبي فاهمني
يوسف فرح انها هتديه فرصه وقال بلهفه ..ماشي فاهمك محتاجه وقت قد ايه يعني
ريم قالت بتفكير ..اممم..مش كثير يعني خمس ست شهور كده يعني سنه مثلا
يوسف اتسعت عنيه وقال بسخريه.. يا قلبي ..لا بسيطه قوي وقلب وشه فيها وقال..سنه .. ده عند اللي زرع واللي جنى..هما يومين اتنين علشان خاطرك بلياليهم تتصرفي تتشقلبي وتحبيني مليش فيه..ان شاله تفتحي حته في قلبك كده وتحطيني فيها.. افتحي قلبك بدل ما افتح انا ..وانا ھموت وافتح
يوسف شاور لها على دماغه اللي كانت مفتوحه وحاطط عليها قطن وقال..تفتحي اكتر من كده يا اختي
ريم اتنهدت بحزن وقالت... هي بټوجعك
يوسف قال بسخريه ...لا ابدا دي حتى مونساني والله
ريم ضحكت ضحكه جميله ويوسف قال بمشاكسه.. ايوه كده بقى ..ده انا اخبط لك دماغي كل يوم لو هتضحكي كده
يوسف وقف وطلع لبس ليه من الدولاب وقال...لا معلش..انا باذن الله هدخل الحمام واطلع الاقيكي اتعودتي
ريم بصتلو بدهشه ووووو
يا ترى اعمام ريم هيعملو ايه لما يعرفو وهيقدرو يوصلولهم ولا لا ده اللي هنعرفو في البارت اللي جاي .
